मासिक पाळीतील वेदना दूर करण्यासाठी घरगुती उपाय

मासिक पाळी म्हणजे स्त्रीजीवनाला मिळालेले वरदान. मात्र या काळात होणार्‍या त्रासामुळे, गैरसोयीमुळे अनेकींना ही कटकटच अधिक वाटते. मग पेनकिलर किंवा काही तत्सम औषधांनी वेदना कमी करण्याचा प्रयत्न केला जातो. परंतू त्यामुळे काही काळ बरे वाटले तरीही अशा औषधांचा शरीरावर दूरगामी परिणाम होण्याची शक्यता असते. म्हणून या काळात प्रसन्न राहण्यासाठी हे काही उपाय नक्की करून पहा. वेदना टाळण्यासाठी आहारविहारात थोडा बदल करा

1) व्यायाम करा - मासिक पाळीच्या दिवसांत हलका व्यायाम काही योगासनं करणं हे हितकारी आहे. यामुळे शरीरात बीटा एन्डोरफिनचा प्रवाह सुधारतो आणि वेदना कमी होण्यास मदत होते. (मासिकपाळीचा त्रास कमी करणारी योगासनं – मार्जरासन, वक्रासन, ब्रिज पोझ, अर्ध पवनमुक्तासन etc)

2) आरामदायी कपडे वापरा - मासिक पाळीच्या दिवसांत तंग कपडे वापरणे टाळा. तंग कपड्यांमुळे पोटाजवळील स्नायूंवरील ताण वाढतो. परिणामी वेदना अजूनच तीव्र होतात.

3) घरगुती उपाय

1) रताळं हे वेदनाशामक असल्याने मासिकपाळीच्या दिवसांत, त्याचा आहारात आवर्जून समावेश करावा.

2) रासबेरीची पानं किंवा जास्मिन फ्लेवरची ग्रीन टी यांमुळे मनव शरीर शांत राहण्यास मदत होते.

3) ब्रेकफास्टच्या वेळी ग्लासभर दूध नक्की प्या. दुधातील कॅल्शियम वेदना व क्रॅम्स कमी करण्यास मदत करतात.

4) पाण्यात हळद, तेजपान, तुळशीची पाने व गुळ टाकुन त्यांचा काढा घेतल्यास मासिक पाळीतील वेदना कमी होतात.

5) दालचिनी व हिंगाचा वापर करू शकता. दालचिनी मध्ये एंटीस्पेज्मोडिक गुणधर्म असल्यामुळे पीरियड्स क्रॅम्प्सपासून आराम मिळतो. हिंगाचं सेवन केल्याने पोटाखालील अवयवांचे स्नायू मजबूत होण्यासाठी, या अवयवांमधील लवचिकता वाढण्यासाठी आणि मासिक पाळीदरम्यान होणाऱ्या वेदना दूर करण्यासाठी मदत मिळते.

6) जीऱ्याचं पाणी प्यायल्याने ओटापोटात होणाऱ्या त्रासापासूनही आराम मिळतो. जिऱ्यांमध्ये असलेल्या लोहामुळे महिलांना मासिक पाळी दरम्यान होणारा त्रास कमी होतो. यासाठी एक चमचा जिऱ्यात एक चमचा मध मिसळून त्याचं दररोज सेवन करा.

7) गाजर हे डोळ्यांच्या आरोग्यासोबतच मासिकपाळीच्या समस्या दूर करण्यासाठीदेखील फार उपयुक्त आहे. ग्लासभर गाजराचा रस प्यायलास तुम्हांला प्रसन्न वाटेल.

8) कोरफडीचा रस मधासोबत घेणे आरामदायी आहे. यामुळे रक्तस्त्राव नियंत्रणात राहतो व वेदना कमी होतात.

9) मासिकपाळीच्या दिवसांत कॅफिनयुक्त पदार्थ (चहा, कॉफी, चॉकलेट्स.. इत्यादी ) व लाल मांस खाणे टाळावे. यामुळे वेदना अधिक तीव्र होतात

10) कोमट पाण्याने आंघोळ करा. पाठीवर, पोटावर प्रामुख्याने कोमट पाणी घ्या. गरम पाण्याच्या पिशवीने ओटीपोट व कंबर शेकवा

11) लॅवेंडर ऑईलचे काही थेंब बेंबीत टाकल्यास तात्काळ आराम मिळण्यास मदत होते.

12) मासिक पाळीत स्वच्छता राखणं आणि स्वतःला हायड्रेट ठेवणं खूप गरजेचं आहे. ओटीपोटातील स्नायू डिहायड्रेशनमुळेही ताणले जाऊ शकतात. ज्यामुळे मासिक पाळीत पोटात दुखते. यासाठीच या काळात भरपूर पाणी, पेय, सरबत प्या. दिवसभरात आठ ग्लास पाणी पिण्यामुळे तुम्ही कायम हायड्रेट राहाल.

13) पीरियड पेन किलर ड्रिंकची रेसिपी – ओवा गरम तव्यावर भाजून घ्या. गॅस मध्यम आचेवरच ठेवा. ओवा भाजत असतानाच त्यामध्ये चिमूटभर हिंग टाका आणि ओवा हलक्या स्वरुपात भाजून घ्या. हिंग पावडर भाजायची नाहीय तर फक्त ओव्यासोबत किंचितशी गरम करायची आहे. जास्त गरम तव्यावर हिंग भाजल्यास ती करपण्याची शक्यता आहे. हिंग आणि ओव्याचे मिश्रण तयार करून एक ग्लास ताकामध्ये हे मिक्स करावे. यानंतर ताकामध्ये एक चमचा मेथी पावडर आणि काळे मीठ टाकावे. सर्व सामग्री नीट ढवळून घ्यावी.

14) आवडीनुसार संगीत ऐका,एखादा छंद जोपासा,पुस्तकं वाचा किंवा मित्र-मैत्रीणींशी गप्पा मारा. यामुळे तुमचे लक्ष वेदनांकडे राहणार नाही. तसेच तुम्हांला प्रसन्न रहाण्यास मदत होईल.

15) अचानक किंवा दीर्घकाळ हे दुखणे राहिल्यास वेळीच डॉक्टरांचा सल्ला घ्या

टीप - वरील कोणतेही उपचार स्त्रीरोग तज्ञांच्या सल्ल्याने करावेत.

DR. DIVYA PRAKASH PAWAR – RATHOD

👉🏻 BAMS (Bachelor Of Ayurvedic Medicine And Surgery) [आयुर्वेद वाचस्पती]

👉🏻 MS (Gynaecology And Obstetrics) [स्त्रीरोग आणि प्रसूतिशास्र तज्ञ]

👉🏻 DYT (Diploma In Yoga Teacher) [योग शिक्षिका]

👉🏻 PGDEMS (Post Graduate Diploma In Emergency Medical Services

[आपत्कालीन वैद्यकीय सेवा विशेषज्ञ]

👉🏻 DDN (Diploma In Diet And Nutrition) [आहार आणि पोषणतज्ञ]

👉🏻 MDPK (Master Diploma In Panchakarma) [पंचकर्म विशेषज्ञ]